ⓘ איסלאנד. איסלאַנד איז אַן אינזל־לאַנד אין אײראָפּע וואס ליגט אינעם אטלאנטישן אקעאן. זײַן הויפטשטאט איז רעקיאַװיק. איסלאנד איז דער צווייטער גרעסטער אינזל אין איי ..

                                     

ⓘ איסלאנד

איסלאַנד איז אַן אינזל־לאַנד אין אײראָפּע וואס ליגט אינעם אטלאנטישן אקעאן. זײַן הויפטשטאט איז רעקיאַװיק. איסלאנד איז דער צווייטער גרעסטער אינזל אין אייראפע, נאך גרויסבריטאניע. איסלאנד איז דאס מערסטע אנטוויקלטע לאנד אין דער וועלט.

ביזן 20סטן יארהונדערט, האט די איסלאנדישע באפעלקערונג זיך פארלאזט אויף פֿישעריי און לאנדווירטשאפט. פון 1262 ביז 1918 איז איסלאנד געווען א חלק פון נארוועגיע און שפעטער דענמארק.

                                     

1. עקאנאמיע

ביזן 20סטן יארהונדערט איז איסלאנד געווען פון די ארעמסטע לענדער אין מערב אייראפע. אבער לעצטנס איז די עקאנאמיע שטארק געוואקסן. אין 2007 איז איסלאנד געווען דאס פינפטע גרעסטע פראדוצירנדע לאנד, מיט $40.112 א מענטש. איסלאנד האט ווייניג נאטורלעכע רעסורסן, אחוץ הידראעלעקטרישע און געאטערמאלע קראפט. 40% פון עקספארט קומט פון פישעריי, וואס באשעפטיגט 7% פון דער ארבעטקראפט.

די נאציאנאלע וואלוטע איז דער איסלאנדישער קראנא ISK.מערסטנטייל פון די איינוואוינער זענען נישט אינטרעסירט אין מיטטיילן אין דעם אייראפעאישער וואלוטע די איירא. אינעם לעצטן יארצענדליקער האט די עקאנאמיע דיווערסיפיצירט אין ווייכווארג פראדוקציע, ביאטעכנאלאגיע און פינאנציעלע באדינונגען.

פערזענלעכע שטייערן זענען 22.75%. און קארפאראטער שטייער איז 18%, פון די נידריגסטע אין דער וועלט.

איסלאנד איז א מיטגליד אין דער אייראפעאישער פרייהאנדל אסאסיאציע.

                                     

2. קולטור

מוזיק

איסלאנדישע מוזיק האט א שייכות מיט נארדישער מוזיק. טראדיציאנעלע איסלאנדישע מוזיק איז שטארק רעליגיעז. זי האט זיך פארלאזט בעיקר אויף זינגען קלויסטערלידן, ווייל סאיז געווען א מאנגל פון מוזיק אינסטרומענטן. די איסלאנדישע דזשעז קאפעליע "מעזאפארטע" איז באקאנט איבער דער גארער וועלט. איסלאנד פארמאגט עלעקטראנישע מוזיקער ווי טהאר און גוסגוס.