ⓘ קאלאסעום. דאס קאלאסעום איז א ריזיגער ארכיטעקטור, אן אוואלער אמפֿיטעאטער אין דעם צענטער פון דער שטאט רוים, איטאליע. דאס קאלאסעאום איז פלאצירט מזרח פונעם רוימישן ..

                                     

ⓘ קאלאסעום

דאס קאלאסעום איז א ריזיגער ארכיטעקטור, אן אוואלער אמפֿיטעאטער אין דעם צענטער פון דער שטאט רוים, איטאליע. דאס קאלאסעאום איז פלאצירט מזרח פונעם רוימישן פֿארום.

די קאנסטרוקציע פונעם קאלאסעאום האט אנגעהויבן אונטער קייסער אספאסינוס אין יאר 72, און איז געקאנטשעט געווארן אין יאר 80 אונטער זיין נאכפאלגער טיטוס. שפעטער האט מען געמאכט ענדערונגען אין דער תקופה פון דעם קייסער דאמיטיאן 81-96. די דאזיקע דריי קייסרים ווערן גערופן די פֿלאווישע דינאסטיע, און דערפאר הייסט דער אמפיטעאטער אויף לאטייניש מיט דעם נאמען פֿלאוויאוס.

עס איז דער גרעסטער אמפיטעאטער וואס מ׳האט א מאל געבויט. מען האט עס געבויעט צו קענן ענטהאלטן צווישן 50.000 און 80.000 לייט, מיט א דורכשניטלעכן עולם פון עטלעכע 65.000. מען האט עס גענוצט פאר רוימישע ספארט פארמעסטן, וואו מענטשן האבן זיך פארמאסטן מיט שווערד אנטקעגען אנדערע מענטשן אדער ווילדע חיות, און אויך פאר דראמעס באזירט אויף קלאסישער מיטאלאגיע.

במשך די יארן איז דאס קאלאסעאום געווארן טיילווייז פארניכטעט דורך ערדציטערנישן און גנבים וואס האבן געגנב׳עט די שטיינער. דאך איז עס איינע פון די מערסט פאפולער טוריסטן אטראקציעס אין רוים.

דאס קאלאסעאום איז געשילדערט אויף דער איטאליענישער ווערסיע פון דער פינף־צענט איירא־מטבע.