ⓘ שבע ברכה ערנסטער. מרת שבע ברכה ערנסטער איז געווען שטארק טעטיג אין דעם צווייטן וועלט קריג צו ראטעווען יידן פון די הענט פון די נאציס. זי האט געשטיצט איר מאן, הרב ..

                                     

ⓘ שבע ברכה ערנסטער

מרת שבע ברכה ערנסטער איז געווען שטארק טעטיג אין דעם צווייטן וועלט קריג צו ראטעווען יידן פון די הענט פון די נאציס. זי האט געשטיצט איר מאן, הרב משה ערנסטער, אין אויפשטעלן קרית מאור חיים אין צפת און ירושלים צו לינדערן די קאסטן פון באהויזונג.

                                     

1. יונגע יארן

מרת שבע ברכה איז געבוירן י"ט טבת התרע"ט אין גרויסווארדיין, אונגארן, היינט רומעניע צו איר פאטער רבי חיים מאיר האגער, דער פערטער וויזשניצער רבי, א ראפשיצער און רוזשינער אייניקל און אן אייניקל פון רבי פינחס קאריצער, און איר מוטער, מרת מרגלית טווערסקי, א טאכטער פון רבי וועלוועל טווערסקי פון רחמיסטריווקא, א טשערנאבילער אייניקל.

                                     

2. די צווייטע וועלט קריג

קורץ נאך דער ערשטער וועלט קריג, אין יאר תרע"ט, איז אונגארן געווארן צוטיילט, און גרויסווארדיין איז געווען אין דעם טייל וואס מהאט געגעבן צו רומעניע. אבער אין ת"ש האט אונגארן צוריקגענומען גאנץ צפון זימבערגן, וואו גרויסווארדיין געפינט זיך, און די גרויסע יידישע געמיינדע דארטן איז געקומען אונטער דער הערשאפט פון דער נאצי סימפאטיקער רעגירונג אין אונגארן. ווען די דייטשע רשעים האבן אויפגעשטעלט א געטא פאר די אונגארישע יידן, האט זי אנגעהויבן צו העלפן א סאך אידן מיט פארשאפן פאר זיי פאלשע דאקומענטן כדי זיי זאלן האבן די מעגליכקייט אוועקצולויפן פון אונטער די אכזריותדיגע און ברוטאלע נעגל פון די נאציס. דערצו האט זי געהאלפן ארויסשמוגלען אירע חשובע עלטערן און אנדערע משפחה מיטגלידער פון לאנד און ראטעווען זיי פון טויט.

נאך דער צווייטער וועלט קריג האט זי חתונה געהאט מיט איהר חשוב׳ן מאן רבי משה ערנסטער, און א קורצע צייט דערנאך זענען זיי ארויפגעקומען קיין ארץ ישראל און צוזאמען האבן זיי געגרינדעט און אויפגעשטעלט די קריות "מאור החיים" אין צפת און אין ירושלים. זי איז נפטר געווארן בשיבה טובה כ"ו אייר התשס"ט די ריזיגע לוויה איז פארגעקומען אין ירושלים און נאכדעם אין בני ברק פארנט פון בית המדרש הגדול "אהבת ישראל" אין קרית וויזשניץ אין באטייליגונג פון טויזנטער חסידים. זי איז באערדיגט געווארן אין וויזשניצער בית החיים אין בני ברק.

                                     

3. פאמיליע

מרת שבע ברכה האט חתונה געהאט מיט הרב משה ערנסטער. זייערע קינדער זענען:

  • הרב אליעזר ערנסטער, רב פון קרית מאור חיים אין צפת, האט געהייראט מרת לאה, טאכטער פון רבי אברהם דוד הורוויץ דער שטראסבורגער רב און א מיטגליד פון עדה החרדית
  • הרב ישראל ערנסטער, האט געהייראט מרת שיינא גיטל אסתר גאלדא, טאכטער פון רבי יוסף קאליש, אמשינאווער רבי אין בארא פארק, ניו יארק.
  • מרת ריקל גיטל, די ווייב פון רבי ישראל אליעזר אדלער,דער דזשיקאוו-וויזשניצער רבי אין רחובות
  • הרב מנחם ערנסטער, וויזשניצער ראש ישיבה אין בני ברק, האט געהייראט זיין שוועסטער-קינד מרת הינדא, טאכטער פון זיין פעטער רבי משה יהושע האגער דער פריערדיגער וויזשניצער רבי פון בני ברק.
  • הרב זאב ערנסטער, רב פון קרית מאור חיים אין ירושלים, האט געהייראט מרת פייגא, טאכטער פון רבי אלעזר מייזליש דער אוהעלער רב.