ⓘ ברוך מעזשביזשער. רבי ברוך מעזשביזשער זצל איז געווען אן אייניקל פונעם בעל שם טוב און דער ערשטער רבי צו פירן א הויף אין מעזשביזש נאכן בעל שם טוב. ..

                                     

ⓘ ברוך מעזשביזשער

רבי ברוך מעזשביזשער זצ"ל איז געווען אן אייניקל פונעם בעל שם טוב און דער ערשטער רבי צו פירן א הויף אין מעזשביזש נאכן בעל שם טוב.

                                     

1. אפשטאם

רבי ברוך איז געבוירן אין מעזשביזש אין יאר התקי"ג צו זיין פאטער רבי יחיאל מיכל אשכנזי דער דייטשיל, און צו זיין מוטער מרת אדל די איינציקע טאכטער פון בעש"ט.

                                     

2. רבנות

רבי ברוך האט אויפגעוואקסן ביי זיין זיידן דעם בעש"ט. ער האט געלערנט ביים מעזריטשער מגיד, און נאכהער ביי רבי פינחס קאריצער. אין תק"ם 1780 האט מען אים אויפגענומען ווי אן אדמו"ר אין זיין פאטערס וואוינארט טאלטשין, וואו ער האט געפירט זיין הויף. אין תקמ"ח 1788 איז רבי ברוך אריבער קיין מעזשביזש, אבער אין די זומער חדשים פלעג ער זיין אין טולטשין. מנוחתו כבוד ליד סבו במזיבוז.

רבי ברוך פלעג נעמען פדיונות פון די חסידים פארן אויפהאלט פון זיין הויף. טייל פונעם געלט פלעג ער שיקן צו פארשטארקן דעם חסידישן יישוב אין ארץ ישראל.

רבי ברוך פלעג ליידן פון מרה שחורה; צוליב דעם האבן זיינע מקורבים געברענגט ר הערשעלע אסטראפאלער צו זיין דער בדחן אין רבי ברוכס הויף.

                                     

3. פאמיליע

רבי ברוך האט געהייראט בזיווג ראשון א טאכטער פון הרב טוביה קאטצקאש פון אסטראה. בזיווג שני האט ער געהייראט א טאכטער פון זיין פעטער הרב אהרן פון טיטיעוו. רבי ברוך האט איבער געלאזט דריי טעכטער:

  • מרת אדל, די ווייב פון הרב יעקב פנחס אויערבאך, א זון פון הרב אברהם דוב פון כמעלניק.
  • מרת רייזל, די ווייב פון הרב דוב פון טאלטשין, א זון פון הרב שלמה גאטליב, פון קארלין.
  • מרת חנה, די ווייב פון הרב יצחק דראהאביטשער, פון מעזשביזש.