ⓘ בן גוריון פליפעלד. בן־גוריון פליפעלד איז דער אינטערנאציאנאלער פליפארט פון ישראל, און מערהייט מענטשן וואס קומען אריין אין לאנד, קומען דורך דעם פליפעלד. דאס פליפע ..

                                     

ⓘ בן גוריון פליפעלד

בן־גוריון פליפעלד איז דער אינטערנאציאנאלער פליפארט פון ישראל, און מערהייט מענטשן וואס קומען אריין אין לאנד, קומען דורך דעם פליפעלד.

דאס פליפעלד איז געווארן אויפגעשטעלט דורך דעם בריטישן מאנדאט; אין יאר 1935 האט זיך אנגעהויבן די ארבעט, און אין יאר 1937, האט מען פארענדיקט בויען די סטארטפאסן. די ענגלישע האבן גערופן דאס פליפעלד מיטן נאמען ווילהעלמע, אבער דער ברייט באקאנטער נאמען איז געווען לוד פליפעלד, אויפן נאמען פון דער שטאט וואס געפונט זיך נישט ווייט. אין 1973 ווען דוד בן גוריון איז געשטארבן, האט מען גערופן דעם פליפעלד אין זיין אנדענק.

דאס פליפעלד ווערט קאנטראלירט דורך דער פליפעלדער אגענטור, וואס איז א ישראלס רעגירונג געזעלשאפט. דאס פליפעלד איז איינע פון די מערסט פארנומענסטע אין די מיטל מזרח, וואס אין יאר 2008, זענען אריבער כמעט עלף א האלב מיליאן פאסאזשירן.

                                     

1. געאגראפיע

דאס פליפעלד געפונט זיך אין עק פון גוש דן, ביים נידעריקן טייל שפלה. דאס פליפעלד איז 19 קילאמעטער דרום מזרח פון תל אביב, און 13 קילאמעטער ווייט פון די ברעגעס פון מיטלענדישער ים, און עטליכע קילאמעטער צו דרום געפונט זיך די שטאט לוד. עס זענען פאראן עטליכע שטעט, וואס געפונען זיך נאנט צום פליפעלד ווי אור יהודה, יהוד, און נאך.

אין יאר 2008, איז אויפגעברענגט געווארן דאס געדאנק, אז די פליפעלד זאל ווערן טייל פון לוד מוניציפאליטעט, דערווייל איז גארנישט געווארן דערפון.

                                     

2. טערמינאלן

טערמינאל איינס, איז דער עלטסטער טערמינאל, געבויט דורך די בריטישע. איבער די יארן זענען צוגעבויט געווארן אסאך שטיקער צו דער געביידע, ביז די ארגינעלע געביידע איז געווארן נישט צום דערקענען.

טערמינאל צוויי, איז געווען א קליינער טערמינאל, געענדיקט בויען אין יאר 1969, און באניצט בעיקר צו רייזעס אינערהאלב ישראל, ביז אין יאר 2007. דערנאך איז די געביידע אראפגעווארפן געווארן, און א נייע געביידע פאר יו-פי-עס, איז אויפגעשטעלט געווארן אויפן אלטן פלאץ.

טערמינאל דריי, איז דער נייער טערמינאל, אריין אין באניץ אין יאר 2004. ער איז דעמאלט געווען איינער פון ישראלס גרעסטע אינפראסטרוקטור פראיעקטן אין די לעצטערע יארן. איר מאקסימאלע פאסאזשירן א יאר דורכגאנג, איז 16 מיליאן. דער טערמינאל פארמאגט מערערע געשעפטן און צוגעהערן, א באן סטאנציע פון ישראל באנען און צוויי בתי מדרשים.

טערמינאל פיר, איז א קליינער טערמינאל, אויפגעשטעלט אין יאר 1999, ער איז אבער קיינמאל נישט באניצט געווארן, אויסער אין 2002, ווען עס האט אויסגעבראכן די סארס ווירוס אין ווייטע אזיע, זענען מענטשן וואס זענען געקומען צו פליען פון דארט, אונטערזיכט געווארן אין טערמינאל פיר.

                                     

3. טראנספארטאציע

שאסיי 1 ישראל פון ירושלים און תל אביב, פארט אריבער דרום פון פליפעלד, און האט אן ארויסגאנג צום פליפעלד, ווי אויך שאסיי 40, פארט פון מזרח זייט פון פליפעלד, און האט א שאסיי אריינגאנג צום פליפעלד.

אגד אויטאבוס געזעלשאפט, האט אויטאבוסן וואס פארן אריין אינעם פליפעלד, אבער זיי זענען אינערליכע רוטעס, זיי פארבינדן צו אל על קרייצונג, און קרית שדה התעופה. אויך זענען פארהאן טעקסיס צוגעשטעלט צו די שטעט, אין ספעציעלע רוטעס מוניות שירות.

בן-גוריון פליפעלד באן סטאנציע האט זיך געעפנט אין יאר 2004, און געפונט זיך אויף דער מודיעין – תל אביב – חיפה רוטע. ווי אויך זענען דא באנען וואס פארן פון באר שבע, קיין צפון דורכן פליפעלדס באן סטאנציע, אדער צפון קיין באר שבע דורך דער באן סטאנציע, עטליכע מאל אין טאג.

                                     

4. היימארט

דאס פליפעלד איז די היים פאר אל על, ישראייר, ארקיע, און סאן דאר, פאסאזשירן לופטליניעס, און ק.א.ל. פראכט ליניע. ווי אויך געפונט זיך א מיליטערישע לופט פלאט פיליע אין פליפעלד.

                                     

5. וועבלינקען

  • לוח מועדי ההמראות והנחיתות בנתב"ג, באתר רשות שדות התעופה
  • סקירה אודות טרמינל 3 בפרסום מאת רשות התעופה האזרחית 1993
  • מוסטער:סרטונים נפתלי גליקסברג, סיפורי נתב"ג
  • בן גוריון פליפעלד אפיציעלע וועבזייטל
  • אבי קטש, פרויקט שדרוג מערך הסטארטפאסים בנתב"ג, באתר "CivilEng - הפורטל הישראלי להנדסה אזרחית, בנייה וסביבה", 2011 - תקציר פרויקט גמר בסטארטפאס הנדסת תחבורה, הפקולטה להנדסה אזרחית וסביבתית, הטכניון