ⓘ דוד טווערסקי פון סקווירא, א. רבי דוד טווערסקי, באקאנט מיטן נאמען ר דודל סקווערער, איז געווען דער צווייטער סקווערער רבי. ער איז געווען א זון פון רבי יצחק טווערסק ..

                                     

ⓘ דוד טווערסקי פון סקווירא (א)

רבי דוד טווערסקי, באקאנט מיטן נאמען ר דודל סקווערער, איז געווען דער צווייטער סקווערער רבי. ער איז געווען א זון פון רבי יצחק טווערסקי פון סקווירא, זון פונעם טשערנאבלער מגיד - ר מאטעלע.

                                     

1. ביאגראפיע

רבי דוד איז געבוירן ערב פסח אין יאר תר"ח צו זיין פאטער ר איציקל סקווערער און זיין מוטער חנה סימא א טאכטער פון ר הערשל סקווערער, אן אייניקל פון בעל שם טוב. ער האט געוואוינט אין סקווירא ביז די ערשטע וועלט מלחמה האט אויסגעבראכן אין תרע"ד. שפעטער האט ער געוואוינט אין קיעוו היינט אוקראינע ביז זיין פטירה אום ט"ו כסלו תר"ף.

                                     

2. רעביסטעווע

זיין פאטער האט געזאגט אויף אים; ווען מיין דודל איז געבוירן, איז שוין קיין שום חמץ נישט געווען אין שטוב, מיינענדיג צו זאגן, אז ער איז געווען א דערהויבן קינד.

ר דוד משה פון טשארטקאוו האט געזאגט, צוויי דודלעך שיינען ארויס פון אוקראינע, ר דודל סקווערער, און ר דודל זלאטיפאלער.

ער איז געווען א געוואלדיגער שווייגער, ער האט אמאל געזאגט פאר א פרעגער, וויאזוי ער קען אזוי שווייגן, אפילו ביי די שווערסטע צייטן זיך נישט באקלאגן און נישט רעאגירן אויף קיין שום מחלוקה אדער ווייטאג. מען שווייגט און מען שווייגט, מען רוהט זיך אפ אביסל און מען שווייגט ווידער.

דער אלטער סקווערער רבי ר יעקב יוסף זיין זון האט געזאגט אויפן פאטער, א יוד וואס האט געארבעט א יאר זיבעציג, מזאל נישט האבן וואס צו פארציילן נאך אים.

                                     

3. פאמיליע

הרב דוד טווערסקי פון סקווירא האט געהייראט בזיווג ראשון חוה גאלדא, א טאכטער פון זיין פעטער הרב שלמה פון סאווראן. זייערע קינדער:

  • הרב משה טווערסקי - התר"ף, פון סקווירא.
  • הרב נחום טווערסקי
  • הרב אהרן טווערסקי
  • הרב שלמה טווערסקי - התרפ"א רבי אין סקווירא.
  • הרב מרדכי טווערסקי - התר"ף, פון סקווירא.

בזיווג שני האט ער חתונה געהאט מיט צפורה, א טאכטער פון ר אליקים געציל פון אוסטראה, אן איידעם ביי רבי יוסף דוד פון אליק. זייערע קינדער:

  • הרב יעקב יוסף טווערסקי - ב ניסן התשכ"ח, פון שיכון סקווירא.
  • הרב יצחק טווערסקי