ⓘ סאס-פע. סאַס-פֿע איז א נארטל־דארף און דאס גרעסטע דארף אין דעם סאַס טאָל, אין וויספּ באצירק פון וואַליס קאַנטאָן, וואס איז אין דרום זייט פון דער שווייץ. דאס שטעט ..

                                     

ⓘ סאס-פע

סאַס-פֿע איז א נארטל־דארף און דאס גרעסטע דארף אין דעם סאַס טאָל, אין וויספּ באצירק פון וואַליס קאַנטאָן, וואס איז אין דרום זייט פון דער שווייץ. דאס שטעטל ליגט ביי דער הייך פון 1.800 מ און האט 1.600 איינוואוינער.

פון דרום זייט צו סאס-פע געפינט זיך דער אַלאַלינהאָרן בארג Allalinhorn וואס איז הויך 4.027 מ, און דער פֿע גלעטשער Feegletscher אויף אים זענען דא סקי שפורן וואס זענען אקטיוו דאס גאנצע יאר, און פארשלאגן זומער נארטלען. דער גלעטשער איז א טייל פון סאַס-פעס סקי פלאץ, וואס אין אים זענען דא שפורן לאנג 100 קילאמעטער מיט נאך 45 קילאמעטער לענג אין אנדערע פלעצער אינעם טאל. פון מערב זייט צו אים, אין דער מאַטער־טאָל Mattertal, ליגט דאס סקי שטעטל צערמאַט Zermatt, ער פארמאגט אויך אן גלעטשער פאר זומער סקי אנטקעגן דעם מאַטערהאָרן בארג Matterhorn.

פאראן א ציינער אינטער־באן מיטן נאמען מעטראָ אַלפּן Metro-alpine, ארבעט שוין פון יאר 1984, און טראגט ארויף די סקי גליטשערס און די רייזנדע צו מיטל־אַלאַלין Mittelallalin אין 3.500 מ הייך, וואס דאס איז דאס העכסטע פונקט אין דער סקי פלאץ. אין מיטל־אַלאַלין איז אויך דא א גרויסע אייזן־הייל און א רעסטאראן וועלכע דרייט זיך אויף איר איקסוס, און איז דער גרעסטער פון זיין סארט אויף דער וועלט.

אין זומער פארשלאגט די געגנט פיל גייען מארשרוטן, בערג קריכן, קעלדז קריכן, בערג גליטשער, בערג ביציקלעך, קארקינעטן, שטריקן פארקן, פאראשוטן און נאך.

צו סאס-פֿע קענמען אנקומען מיט אן אויטאבוס פון די וויספּ אדער בריג באן סטאנציעס. אין דער שטעטל געגנט איז נישט ערלויבט אנצוקומען מיט א מאטארן אויטא, אחוץ עלעקטרישע אויטאס.