ⓘ דיסקרעטע מאטעמאטיק, איז א ברייט געביט פון מאטעמאטיק וואס באהאנדלט מאטעמאטיקע סטרוקטורן וואס זענען דיסקרעט אין כאראקטער. די אביעקטן וואס ווערן געפארשט אין דער רא ..

                                     

ⓘ דיסקרעטע מאטעמאטיק

דיסקרעטע מאטעמאטיק, איז א ברייט געביט פון מאטעמאטיק וואס באהאנדלט מאטעמאטיקע סטרוקטורן וואס זענען דיסקרעט אין כאראקטער. די אביעקטן וואס ווערן געפארשט אין דער ראם פון דיסקרעטער מאטעמאטיק זענען מערסטנס צייליגע געזעמעלן.

דיסקרעטע מאטעמטיק איז געווארן פאפולער זייט דעם צווייטן העלפט פונעם 20סטן יארהונדערט, צוליב איר באניץ אין קאמפיוטער וויסנשאפט: א דיגיטאלישער קאמפיוטער אנדערש פון אן אנאלאג־קאמפיוטער ארבעט אויף א דיסקרעטן אופן, א טריט נאך א טריט, דערפאר האט דיסקרעטע מאטעמטיק א גרויסן רעלעוואנץ צו די טעארעטישע פונדאמענטן פון זיי ארבעטס מעטאד.

אין דער צווייטער וועלט-מלחמה האט מען געדארפט לייזן דייטשע קאדן. דאס האט געברענגט צו פארגעשריטענישן אין קריפטאגראפיע און טעארעטישער קאמפיוטער-וויסנשאפט, ווען טאמי פלאוערס האט אנטוויקלט דעם ערשטן פראגראמירבארן קאמפיוטער אין בלעטשלי פארק, ענגלאנד.

                                     

1. צווייגן

די צווייגן וואס זענען איינגעשלאסן אין דער ברייטער ראם פון דיסקרעטער מאטעמטיק זענען:

  • גראפן טעאריע
  • קאמבינאטאריק
  • מאטעמאטישע געביטן פון קאמפיוטער וויסנשאפט
  • שפיל טעאריע
  • קריפטאגראפיע
  • בארעכנבארקייט און קאמפלעקסיטעט
  • אלגאריטמיק
  • בוליאנישע אלגעברע

אויך ווערן איינגעשלאסן אין דיסקרעטער מאטעמטיק געוויסע אספעקטן פון די פאלגנדע צווייגן:

  • אלגעברע
  • געזעמלען טעאריע
  • מאטעמאטישע לאגיק
  • נומערן טעאריע