ⓘ יהורם גאון. יהוֹרָם גָאוֹן איז אַן ישראלדיקער זינגער, אַקטיאָר, רעזשיסאָר, פּראָדוצירער, טעלעוויזיע און ראַדיאָ האָסט און פּובליקע פֿיגור. אויך האט ער געשריבן א ..

                                     

ⓘ יהורם גאון

יהוֹרָם גָאוֹן איז אַן ישראלדיקער זינגער, אַקטיאָר, רעזשיסאָר, פּראָדוצירער, טעלעוויזיע און ראַדיאָ האָסט און פּובליקע פֿיגור. אויך האט ער געשריבן און רעדאַקטירט ביכער וועגן ישראלישע קולטור.

דער זון פֿון ספרדישע עלטערן - עמיגראַנטן פֿון באָסניע און טערקיי - ער איז געווארן אַן ערשטיקע אינספּיראַציע פֿון "שטאָלץ און סאָלידאַריטעט" פֿאר די ספרדישע קהילה.

                                     

1. ערשטע לעבן

גאון איז געבוירן געווארן אין דעם בית הכרם געגנט פֿון ירושלים אין 1939. זיין פֿאָטער, משה דוד גאון, אַ באַקאַנטער היסטאָריקער, איז געבוירן געווארן אין סאַראַיעוואָ אין 1889 און האט עמיגרירט צו פּאַלעסטינע פֿונעם בריטישער מאַנדאַט, ווו זיינע קרובֿים האבן געוואוינט פֿאַר 5 דורות. ער איז געווען אַ שולמייסטער און העברעאיש לערער אין ירושלים, בוענאָס איירעס און איזמיר. ער איז אויך געווען אַ דיכטער און אַ חכם פֿון לאַדינאָ. אין טערקיי האט ער געטרעפֿט און חתונה געהאט מיט שרה חאַקים, מיט וועלכע ער האט צוריקגעקומען קיין ירושלים.

גאון האט געדינט אין צה"ל אין 1957. אין דעם מיליטער האט ער מיטגעגאַנגען דער נח"ל פֿאַרווייַלונג טרופּע און אָנגעהויבט אַ קאַריערע אין די בינע קונסטן.

                                     

2. מוזיק און שפילן קאַריערע

נאָך זיין באַטייליקונג אין דער נח"ל בריגאַדע פֿאַרווייַלונג טרופּע אין זיין מיליטער דינסט האט גאון מיטגעגאַנגען די ירקון בריק דרייַלינג.

ער איז געווען אינעם אָריגינעלער צונויפֿשטעל פֿון "התרנגולים", וואס איז געגרינדעט געווארן דורך נעמי פולני אין 1960.

ער איז געווארן זייער באַקאַנט פֿאַר זיין ווערסיע פֿון נעמי שמרס ליד "עוד לא אהבתי די". ער האט געזונגען ביי דער נאָבעל פּריז פֿייַערונג פֿון יצחק ראַבין, שמעון פּרס און יאַסיר אַראַפֿאַט ביי אָסלאָ אין 1994.

גאון האט אױפֿגעטראָטן מיט דער ישראלישער קאַמערי טעאַטער אין פּראָדוקציעס ווי "ציפּס עם כל דבֿר", "וויצק" און "כנרת כנרת", פֿון נתן אַלטערמאַן. ער האט אָפּגעלאָזט ישראל אין די פֿריסטע 1960ער יאָרן צו לערנען זיך שפּילן ביים באַקאַנטער הערבערט בערגהאָף סטודיאָ אין ניו יאָרק, געקנעלט דורך דער באַרימטע לערערין אוטאַ האַגען, און האט שפּעטער גראַדואירט מיט האָנאָרס פֿונעם RCA אינסטיטוט פֿאַר טעלעוויזיע פּראָדוקציעס.

ער האט צוריקגעקומען אי ישראל צו שפּילן אַלס דער הויפּט כאַראַקטער אין די 1966 בינע פּראָדוקציע פֿונעם ישראלישע מוזיק-קאָמעדיע "קאַזאַבלאַן" וואס איז שנעל געווארן אַ שלאַגער און איז געשטעלט געווען העכער 600 מאָל. די גרויסע הצלחה פֿון די פֿאָרשטעלונג האט געמאַכט גאון "נישט נאָר אַן איבערנאַכט געזאַנג שטערן, אָבער אויך אַ פֿיגור פֿון סאָלידאַריטעט און פֿרייד פֿאַר ספרדישע מענטשן, אַ סך וועלכע האבן ערשטנס געגאָנגען צו אַ טעאַטער." שפּעטער האט גאון געשפּילט זיין ראָלע אין די 1974 פֿילם אַדאַפּטאַציע.

אין 1977 איז ער דערוויילט געווארן צו שפּילן אלס יונתן נתניהו אינעם ישראלישער פֿילם "מבצע יונתן", וועגן די ענטעבע אפעראציע. אויך האט ער אױפֿגעטראָטן אין "כל ממזר מלך", "הפּריצה הגדולה", "גוקר", "המאַהב" און "כביש ללא מוצא". ער האט אױפֿגעטראָטן אינעם אויטאָביאָגראַפֿישער פֿילם "אַני ירושלמי" פון 1971.

ער האט אױפֿגעטראָטן אין אַ סך אַנדערע טעלעוויזיע סעריעס ווי "קרובֿים קרובֿים" 1983, אַן ישראלישע סיטקאָם. ער האט געשטעלט זיין אייגן פּראָגראַם מיטן נאָמען "שישי בגאון" אויפֿן ערשטער קאַנאַל. דער פּראָגראַם איז געווארן זייער פּאָפּולער און איז פּראָדוצירט געווארן פֿאַר אַ סאַך יאָר. שפּעטער האט ער געשטעלט אַ סוף־וואָך שמועס פּראָגראַם אויף דער קאָמערציעלער קאַנאַל 2. זינט 1997 האט ער געשטעלט אַ ראַדיאָ פּראָגראַם אויף קול ישראל מיטן נאָמען "גאון אין דעם ראדיא", אין וועלכער ער רעדט וועגן די איצטיקע וואָכיקע געשעענישן און דריקט אויס זיינע פּערזענלעכע בליקן וועגן זיי.

דעם 21סטן סעפּטעמעבר 2014 האָט גאון רעקאָרדירט דאָס ליד "שלומי" פֿאַרפֿאַסט פֿון דער דיכטערין זעלדע.

                                     

3. פּערזענלעכע לעבן

גאון האט צוויי קינדער פֿון זיין פֿריערדיקער חתונה מיט אורנה גאָלדפֿאַרב: משה-דוד געהייסן נאָך יהורמס פֿאָטער און הילה. זיינע דריי ברידער זענען יגאל, כלילה ערמון און דער געשעפֿטמאַן און אינדוסטריאַליסט בעני גאון, וואס איז נפֿטר געוואָרן פֿון קענסער אין 2008.

Free and no ads
no need to download or install

Pino - logical board game which is based on tactics and strategy. In general this is a remix of chess, checkers and corners. The game develops imagination, concentration, teaches how to solve tasks, plan their own actions and of course to think logically. It does not matter how much pieces you have, the main thing is how they are placement!

online intellectual game →