ⓘ פיליפ ראטה איז אן אידיש-אמעריקאנער פיקציע שרייבער, באקאנט פאר זיינע רעאליסטישע באשרייבונגען וועגן די אמעריקאנער אידישע מיטל-קלאס געזעלשאפט אין די יארן נאך די צו ..

                                     

ⓘ פיליפ ראטה

פיליפ ראטה איז אן אידיש-אמעריקאנער פיקציע שרייבער, באקאנט פאר זיינע רעאליסטישע באשרייבונגען וועגן די אמעריקאנער אידישע מיטל-קלאס געזעלשאפט אין די יארן נאך די צווייטע וועלט קריג. ער איז היינט דער מערסט באצירטע אמעריקאנער שרייבער, ווערנדיג באלוינט מיט כמעט יעדן ליטערארישן אויסצייכענונג און געפינט זיך אויף מערערע ליסטעס פון בעסטע שרייבערס אין אמעריקע.

                                     

1. קאריערע און מערקווירדיגע ווערק

ער איז געבוירן אין וויקוואהיק, ניו דזשערזי צו אידישע עלטערן פון גאליציאנער אפשטאם.

אלעס צוזאמען האט ראטה געשריבן אכט און צוואנציג בוכער און געווינען פערצן חשובע אויסצייכענונגען. אין 2006 האט דער ניו יארק טיימס געבעטן פון עטליכע הונדערט שרייבער, רעדאקטערס, קריטיקירער, און אנדערע ליטערארישע פיגורן אז זיי זאלן געבן זייער מיינונג אויף די בעסטע אמעריקאנע ליטערארישע פיקציע פון די לעצטע פינף און צוואנציג יאר. ראטהס בוכער זענען געווען אנגעצייכנט אויף די מערסטע ענטפערס.

                                     

1.1. קאריערע און מערקווירדיגע ווערק ערשטע בוכער

זיינע ערשטע בוכער צו געווינען ברייטע פאפולעריטעט זענען געווען גודביי קאלאמבוס און פארטנויס קמפלעינט. גודביי קאלאמבוס, געדריקט אין 1959, איז א פארזאמלונג פון מעשיות. דער קעפל מעשה, גודביי קאלאמבוס, באשרייבט א בחור פון א פרייע אמעריקאנע אידישע משפחה וואס איז אנטציקט מיט א גוישע מיידל וואס האט זיך אין אים פאראינטערעסירט, און די פסיכאלאגישע און קולטוראלע פארבינדונגען מיט דעם. נאך א מעשה פארציילט פון א אידיש קינד ביי דער וועכנטליכע עברי שולע וואס האט פיינט געהאט זיין מלמד און אים געלערנט טאנצן. א דריטע מעשה פארציילט פון א חרדישע, אלט-מאדישע גרופע אידן וואס עפענען א ישיבה אין א סובורבאנער געגענט, און די "פארגעשריטענע" פרייע אידן ווערן צופלאצט.

פארטנויס קאמפלעינט איז געדריקט געווארן אין 1969, און איז געווארן איינע פון די מערסטע באקאנטע בוכער אין אמעריקאנער ליטעראטור. עס פארציילט וועגן פארטנוי, א איד פון וויקוואהיק, ניו דזערסי -- ווי ראטה איז אויפגעוואקסן -- און זיינע אויסרעדעכצער צו זיין פסיכיאטער. במשך פון דעם בוך געט דער מענטש צו ערקלערן וויאזוי זיין אידישע ערנערונג, און ספעציעל זיין מאמע וואס איז כסדר געשטאנען און דערקוטשעט, האט אריינגעגעבן אין אים זיינע שולד געפילן אויף יעדער הנאה אויף דער וועלט. ער רעדט זיך אויס באריכות אויף זיין צומישעניש אויף צו פארשטיין זיין סעקסואליטעט, זיין ליבשאפט צו "שיקסעס", ווי ער רופט זיי, מיט זייער אויסערגעווענליכע שיינקייט, און ער דערציילט פון זיינע פילע עקספערימענטן מיט זיך מאסטורבאטירן. דאס בוך איז געווארן אויסטערליש צוכאפט אלץ א זעלטענער בליק אין דעם לעבן פון אמעריקאנער אידן.

ראטה האט אין זיין צייט באקומען פיל קריטיק פון אזעלכע וואס האבן געהאלטן אז ער מאלט אפ א פאלשע בילד און פארשעמט אמעריקאנער אידנטום, און ער האט זיך געדארפט אסאך פארענטפערן אויף טענות אז ער איז א זעלבסט-פארפיינטעטע איד.

                                     

1.2. קאריערע און מערקווירדיגע ווערק שפעטערדיגע בוכער

אויך עטליכע פון זיינע שפעטערדיגע בוכער זענען געווארן גוט באקאנט און געווינען אויסצייכענונגען. אמעריקען פאסטאראל, געדריקט אין 1997, האט געווינען א פוליצער פרייז פאר פיקציע. דאס בוך דערציילט פון א פרייע איד פון ניו דזערזי וואס האט געמיינט אז ער לעבט א געמיטן, פערפעקט-אמעריקאנעם לעבן אינאיינעם מיט זיין הערליכע, גויאישע פרוי און זיין איינציגע טאכטער, ווען איין שיינעם טאג הייבט זיך אויף די טאכטער און ווערט א טעראריסט און שטעלט אונטער באמבעס צו פראטעסטירן דער וויעטנאם קריג.

איי מערריד א קאמיוניסט אז געדריקט געווארן אין 1998. עס דערציילט פון צוויי אידיש-אמעריקאנער ברידער וואס איינער פון זיי איז א געבראטענער קאמיוניסט און וואס זיי האבן מיטגעמאכט אין די תקופה פון מעקארטיאיזם אין די 50ער יארן.

דאס לעצטע בוך זיינער איז עוורימאן, געדריקט אין 2006.

                                     
  • באשעפטיגן מיט ליטערארישע פיקציע און נישט מיט זשאנער פיקציע. סאול בעללאו פיליפ ראטה בערנארד מלמד סינטיא אזיק עמוס עוז העברעאיש א.ב. יהושע העברעאיש נאטאן